குவார்ட்டர் கோவிந்தனும் பித்தானந்தாவும்!

குவார்ட்டர் கோவிந்தன்: வணக்கம் குருவே

பித்ஸ்: வணக்கம் சிஷ்யரே!

கு.கோ: நாட்டுக்கு அரசியல் தேவையா?

பித்ஸ்: தேவைதான்

கு.கோ: இன்றைய இளைஞர்கள் அரசியலில் அதிக நாட்டமில்லாமல் இருக்கிறார்களே ?

பித்ஸ்: அரசியல் என்பது கெடுதல் என்பது போல தோற்றம் உண்டாகிவிட்டது அதனால்தான். இத்தனை நாள் அரசியல் செய்தவர்களின் தவறும், அதைத் தட்டிக் கேட்கத் தயங்கியர்களின் தவறும் அதில் அடக்கம்

கு.கோ: அந்த தோற்றம் மாறுமா?

பித்ஸ்: மாறும்காலப் போக்கில் இன்னும் இரு தலை முறைகள் கூட ஆகலாம் அந்த மாற்றம்
வருவதற்கு

கு.கோ: ஜனநாயக அரசியலில் நம்பிக்கை இல்லாமல் புரட்சி, புரட்டு சித்தாந்தம் பேசுபவர்கள் சொல்வது எந்த அளவுக்கு சாத்தியம்?

பித்ஸ்: புரட்சிகள் எல்லாம் இந்த நாட்களில் எடுபடாது அவை பெரும்பான்மை மக்களுக்கு புரியாத சித்தாந்தம். அவனுக்குக்காக போராடுகிறார்கள் என்பதைக் கூட அவனால் ஏற்றுக் கொள்ள முடிவதில்லை. காரணம் அந்த புரட்சியின் தோற்றம் பொய்யானது போல் தோன்றுவதால்

கு.கோ: அப்படியானால் பெரும்பான்மை மக்கள் தவறானது என்று புரிந்துகொள்ளலாகுமா?

பித்ஸ்: ஆமாம். கூலி வேலைக்குச் செல்பவனிடம் கூலியை அதிகமாகக் கேட்டுப் போராடு என்று சொன்னால் உள்ள கூலிக்கும் உலை வைக்கிறான் என்ற புரிந்து கொள்ளல்தான் ஏற்படும்!

கு.கோ: இந்தச் சமூகம் ஏன் இன்னும் வரட்டு பிடிவாத குணங்களை கொண்டவர்களை ஒதுக்கிவைத்தே அவர்களை இன்னும் பிடிவாதக் காரர்களாய் ஆக்குகிறது?

பித்ஸ்: ஒதுக்குவதைத் தவிர அவர்களுக்கு வழியும் இல்லையே

கு.கோ: எதிர்கால அரசியல் எப்படி இருக்கும்?

பித்ஸ்: நான் ஜோதிடன் அல்ல! காண்டாக்ட் வகுப்பறை வாத்தியார் நல்லதொரு அரசியல் வாதி கிடைத்தால் நாடு பிழைக்கும்! இதைத்தான் நான் சொல்ல முடியும்!

கு.கோ: சரி சில நேரிடையான கேள்விகள்

பித்ஸ்: ஆகட்டும்!

கு.கோ: ஜெயலலிதா பற்றி?

பித்ஸ்: "எண்ணித் துணிக கருமம் துணிந்தபின்
எண்ணுவம் என்பது இழுக்கு"
அசட்டுத் துணிச்சலும், அகம் கொண்ட பகையும் அரசியலுக்கு உதவாது என்று உணர்ந்தவர்.
உணர்த்தியவரும் அவரே!

கு.கோ: கருணாநிதி பற்றி?

பித்ஸ்: நல்ல கலைஞன் எழுத்துக்களால். நிர்வாகத் திறன் போதாது. பற்றறுக்காதிருந்ததால் சிற்சில சோதனைகளைச் சந்திக்கும் மனிதன்

கு.கோ: வைகோ?

பித்ஸ்: அழுது அடிம்பிடிக்கும் குழந்தை! ஈழத் தமிழனுக்குக் குரல் கொடுத்தவன்!

கு.கோ: ராமதாஸ்?

பித்ஸ்: ம். உமக்கு ஏதோ உள் நோக்கம் இருப்பது போல் தெரிகிறது. இருந்தாலும் சொல்கிறேன்.
தனித் தமிழுக்காகப் செயல் அளவில் சிறிதளவேனும் தானும் முயற்சித்துப் பார்த்தவர். ஆளும் கட்சிக் கூட்டணியில் இருந்தவாரே எதிர்க் கட்சியின் பனியையும் சேர்ந்து செய்கிறார்! (எதிர்க் கட்சியினர் செய்வதில்லை)

கு.கோ: விஜயகாந்த்?

பித்ஸ்: திரைப்படங்களில் மட்டும் ஹீரோ! அரசியலில் காமெடியன்!

கு.கோ: ரஜினி அரசியலுக்கு வந்தால்?

பித்ஸ் : அவரும் கோமாளிதான்!

கு.கோ: சரி இனி சில வலையுலக கேள்விகள்

பித்ஸ் : ஆகட்டும்

கு.கோ:தமிழ் பதிவுகள் குறித்து?

பித்ஸ் : நல்ல பொழுதுபோக்கு சிலருக்கு, செய்தி ஊடகம் சிலருக்கு

கு.கோ:தமிழ் பதிவர்கள் குறித்து?

பித்ஸ் : இணையத்தில் கிடைத்த இணையற்ற உறவுகள்

கு.கோ: கும்மிப் பதிவுகள் பற்றி?

பித்ஸ் :ஒரு நாளின் ஒட்டு மொத்த மன இறுக்கத்தையும் தளர்த்துவிடும் பூங்காக்கள்

கு.கோ: அரசியல் பதிவுகள்?

பித்ஸ் : இன்பத்திலும் கொஞ்சம் துன்பம்
சோதனைகள் இல்லாத வாழ்வு ஏது?

கு.கோ: பின்னூட்ட கயமைத்தனம் ?

பித்ஸ்: ஹிஹி கவன ஈர்ப்புத் தீர்மானம்

கு.கோ: சொந்த செலவில் சூனியம் வைக்க செய்யவேண்டியது?

பித்ஸ்: உண்மைத் தமிழனிடம் கேட்க வேண்டிய கேள்வி

கு.கோ:தனக்குத் தானே பின்னூட்டம் போட்டுக்கொள்வது?

பித்ஸ் : கையறு நிலைப் படலம்

கு.கோ: எத்தனை தூரம் விளக்கிச் சொன்னாலும் நான் சொல்வது சரிதான் என வாதிட்டு அடிவாங்க சலிக்காமல் அடுத்த பதிவிலும் உளருபவர்கள் பற்றீ?

பித்ஸ்: அவரவர் இயல்பு அவரவர்க்கு

கு.கோ:சிறந்த மொக்கைப் பதிவர்?

பித்ஸ்: பித்தானந்தா

கு.கோ:சிறந்த அரசியல் பதிவர்?

பித்ஸ்: மகேந்திப்ரன்.பெ

கு.கோ: ஏன்?

பித்ஸ்: அவர்தான் அரசியலை நன்றாகக் கலாய்க்கிறார்
நன்கு புரிந்து கொண்ட ஒருவரால் மட்டுமே அது இயலும்

கு.கோ: ஆனால் உள்ளே ஒன்றும் விஷயம் இல்லை என்று சொல்கிறார்களே?

பித்ஸ்: ஒன்றும் இல்லாததில்தான் எல்லாம் இருக்கிறது

கு.கோ: தமிழ் பதிவர்கள் பற்றி ஒரு பஞ்ச்

பித்ஸ்: உதவும் உள்ளங்கள் மிகுந்திருக்கும்

கு.கோ: இத்தனை கேள்விகளுக்கும் மிக நல்ல பதிலை சொன்ன உங்களுக்கு என் நன்றி
பித்ஸ்: நல்லது. இத்தனை கேள்விகள் சளைக்காமல் கேட்ட உமக்கும் எமது நன்றி